فیصل آباد( نیوزڈیسک)وزیر تعلیم پنجاب رانا مشہود نے کہا ہے کہ نہوں نے قومی خزانے کو کوئی نقصان نہیں پہنچایا اور جس ویڈیو کی بنیاد پر ان پر الزامات لگائے جارہے ہیں وہ ذاتی لین دین سے متعلق ہے۔میڈیا سے بات کرتے ہوئے وزیرتعلیم پنجاب نے کہاکہ جس وڈیو کی بنیاد پر ان پر الزامات لگائے جاتے ہیں وہ جھوٹی ہے، انہوں نے قومی خزانے کو نقصان نہیں پہنچایا۔ دیکھا جائے تو یہ ویڈیو ایک نجی لین دین کی ویڈیو ہے اگر اس ویڈیو میں سچائی ہوتی تو وہ آج وزارت میں نہ ہوتے۔رانا مشہود کے مطابق نیب ایک قانونی اورآئینی ادارہ ہے، اس کا پہلا کام انکوائری کرنا اوراس کے بعد الزام لگانا ہے ۔ ان کی ویڈیو کا معاملہ نیب کے دائرہ اختیارمیں نہیں ا?تا، ان کے معاملے میں نیب پوائنٹ اسکورنگ نہ کرے ، انہوں نے اس سلسلے میں نیب کے ڈی جی کو براہ راست خط بھی لکھا ہے کہ ان پر الزامات ذرائع سے نہ جوڑے جائیں۔