کراچی(نیوزڈیسک)گورنر سندھ ڈاکٹر عشرت العباد نے کہاہے کہ مصطفی کمال اورانیس قائم خانی کے بارے میں وہ ابھی کچھ نہیں کہہ سکتے ابھی تو وہ انہیں دیکھ، سن اور سمجھ رہے ہیں اور جب سمجھ جاﺅنگا تو اس پر بات کرونگا ۔عباسی شہید ہسپتال کراچی کے باہر میڈیا سے بات کرتے ہوئے گورنرسندھ نے کہا کہ مصطفی کمال اورانیس قائم خانی کے بارے میں کچھ نہیں کہہ سکتے ابھی وہ انہیں سن ، دیکھ اورسمجھ رہے ہیں البتہ موجودہ سیاسی صوتحال پران کی کڑی نظرہے۔ انہوںنے کہاکہ مصطفی کمال اور انیس قائم خانی کے حوالے سے وفاقی وزیر داخلہ چوہدری نثار نے بات کی ہے اور یہ معاملہ انہیں کا موضوع ہے۔عشرت العباد خان نے کہا کہ وہ صوبائی حکومت، بلدیاتی نمائندوں کے کام میں مداخلت اورسیاست نہیں کررہے ¾کراچی میں امن و امان کی صورتحال بہتر ہوئی ہے تاہم انتظامی امور میں بہتری کی ضرورت ہے۔ عوام کو صحت و صفائی کی بہتر سہولیات فراہم کرنے کی ضرورت ہے ۔ہسپتالوں کے دورے کے حوالے سے انہوں نے کہا کہ چند روز قبل عباسی شہید ہسپتال کے مسائل کے حل کے حوالے سے انتظامیہ کو ہدایات جاری کی تھیں تاہم ان کی ہدایات پر صرف 15 سے 20 فیصد عمل درآمد ہوا ہے جبکہ ہارٹ ڈیزیز سینٹر میں ادویہ کی کمی ہے۔انہوں نے ایک بار پھر کراچی کے سرکاری ہسپتالوں میں علاج معالجے اور صفائی کے انتظامات پر عدم اطمینان کا اظہار کیا۔