اسلام آباد/لاہور( این این آئی)وفاقی وزیر داخلہ چوہدری نثار علی خان نے چیئرمین پاکستان کرکٹ بورڈ شہر یارخان کو ٹیلیفون کر کے بھارت میں ہونےوالے ٹی ٹونٹی ورلڈ کپ میں قومی ٹیم کی سکیورٹی کے حوالے سے معاملات پر تبادلہ خیال کیا ۔بتایا گیا ہے کہ وزیر داخلہ نے واضح کیا ہے کہ اطمینان بخش سکیورٹی کی یقین دہانی ملنے تک قومی ٹیم کو دورہ بھارت کی اجازت نہیں دی جا سکتی ۔وزیر داخلہ چوہدری نثار علی خان کرکٹ ٹیم کی سکیورٹی سے متعلق رپورٹ آج جمعہ کو وزیر اعظم نواز شریف کو بھی پیش کریں گے ۔