اسلام آباد(نیوز ڈیسک) وزیر اعظم نواز شریف نے آزاد کشمیر کے انتخابات کے لیے مسلم لیگ (ن) کا پارلیمانی بورڈ تشکیل دے دیا ہے جس کی سربراہی وہ خود کریں گے۔وزیر اعظم آفس کے مطابق وزیر اعظم نواز شریف کی سربراہی میں تشکیل دیئے گئے پارلیمانی بورڈ میں وفاقی وزیر امور کشمیر برجیس طاہر، وزیر داخلہ چوہدری نثارعلی خان، وزیر اطلاعات پرویز رشید، مہتاب خان عباسی، وزیر پانی وبجلی خواجہ آصف، رکن قومی اسمبلی حمزہ شہباز، آصف کرمانی، نسیم اللہ گردیزی، شاہ غلام قادر، چوہدری طارق فاروق اور ڈاکٹر نجیب نقی شامل ہیں۔ پارلیمانی بورڈ آزاد کشمیر کے الیکشن میں مسلم لیگ (ن) کے امیدواروں کے انٹرویو کر کے ٹکٹ جاری کرے گا۔