کراچی(نیوزڈیسک) رینجرزنے فشریز میں کارروائی کرتے ہوئے لیاری گینگ وار کے مرکزی کردارعزیر بلوچ کا سابق دست راست وسیم احمد کو گرفتار کرلیا۔نجی ٹی وی کے مطابق رینجرز نے عزیربلوچ سے تحقیقات کی روشنی میں فشریز پر کارروائی کرتے ہوئے ملازمین کی یونین کے جوائنٹ سیکریٹری اورموجودہ مارکیٹ آفیسر وسیم احمد کو حراست میں لے لیا ہے۔ وسیم احمد پر الزام ہے کہ وہ عزیر بلوچ کی سربراہی میں کام کرنے والے گینگ کے لئے فشریزسے بھتے کی رقم جمع کرکے بھجواتا تھا۔واضح رہے کہ 17 جنوری کو بھی رینجرز نے کارروائی کرتے ہوئے فشریزکے جنرل سیکریٹری سعید بلوچ اور ایسوسی ایشن کے عہدیدار دل مراد بلوچ کو گرفتار کی تھا۔