اسلام آباد (نیوز ڈیسک)وفاقی وزیر برائے منصوبہ بندی و اصلاحات احسن اقبال نے امریکہ میں مقیم پاکستانیوں پر زور دیا ہے کہ وہ پاکستان کے مثبت تشخص کو فروغ دینے کیلئے اپنا کردار ادا کریں۔نیویارک میں امریکہ میں مقیم پاکستانی کمیونٹی کے ایک اجتماع سے خطاب کرتے ہوئے انہوں نے پاکستانیوں پر زور دیا کہ وہ امریکہ اور پاکستان کے درمیان مفاہمت کے فروغ کیلئے کام کریں۔وفاقی وزیر نے انہیں وسیع تر علاقائی استحکام کیلئے ملک میں جدید بنیادی ڈھانچے کی ترقی کی غرض سے حکومت کی کوشسوں کے بارے میں بھی بتایا۔انہوں نے کہا کہ پاک چین اقتصادی راہداری سے ملک میں ترقی وخوشحالی آئے گی۔