اسلام آباد(نیوز ڈیسک) ڈاکٹر عاصم حسین کے خلاف 5.462 ارب روپے کی کرپشن،منی لانڈرنگ اور فراڈ کے الزام میں آج نیب کی جانب سے کراچی کی احتساب عدالت میں ریفرنس دائر کیاجائے گا۔ جنگ رپورٹر طاہر خلیل کے مطابق ریفرنس میں ڈاکٹر عاصم حسین اوردیگر چھ ملزم نامز د کئے گئے ہیں۔ جن میں سے تین گرفتار ہیں۔ اسلام آبا د میں ذرائع کا کہنا ہے کہ ڈاکٹر عاصم حسین کے خلاف نیب ریفرنس میں 5 الزامات عائد کئے گئے ہیں۔ جس میں اختیارات کے ناجائز استعمال، منی لانڈرنگ، سرکاری اراضی پر غیر قانونی تجاوزات اور فراڈ الاٹمنٹ2013 میں فرٹیلائزر کارٹیل کے ذریعے گیس کی بلیک مارکیٹنگ سمیت کرپشن کے دیگر الزامات شامل ہیں۔ ذرائع نے کہاکہ ڈاکٹر عاصم حسین پر مجموعی طور پر 5.462 ارب روپے کی کرپشن کاالزام ہے۔

موضوعات:ڈاکٹر عاصم