اسلام آباد(نیوزڈیسک)پریڈ کے موقع پر مارگلہ کی پہاڑیوں سے تخریب کاری کے خدشے کے پیش نظر23 مارچ کو اسلام آباد میں یوم پاکستان کی پریڈ کے لئے سخت سکیورٹی انتظامات کیلئے انتظامیہ نے ایک ہفتے کے لئے مدارس اور مزارات بند کرنے کا حکم دے دیا۔ شادی ہالز بھی بکنگ نہیں کر سکیں گے۔ یوم پاکستان کی پریڈ کیلئے سکیورٹی کے سخت انتظامات کئے جا رہے ہیں۔ اس ضمن میں مدارس اور مزارات ایک ہفتے کے لئے بند کرنے کا حکم دے دیا گیا ہے۔ شادی ہالز کو بھی بکنگ نہ کرنے کی ہدایت کی گئی ہے۔ ضلعی انتظامیہ کے مطابق پریڈ ایونیو کے اطراف میں واقع تمام مدارس و مزارات 18 سے 23 مارچ تک مکمل طور پر بند رکھے جائیں۔ کلب روڈ پر واقع ہوٹلز اور شادی ہالز کو بھی 20 سے 24 مارچ تک بکنگ نہ کرنے کی ہدایت کی گئی ہے۔