ممبئی(نیوز ڈیسک) بولی ووڈ اداکارہ ہما قریشی کی جانب سے پیر روز مائیکرو بلاگنگ سائٹ ٹویٹر پر جواہر لعل نہرو یونیورسٹی کے طالب علم عمر خالد کی ویڈیو شیئر کی گئی۔ اداکارہ کا کہنا تھا کہ وہ عوام سے درخواست کرنا چاہتی ہیں کہ وہ عمر خالد کی بات کو سنیں اور سمجھنے کی کو شش کریں۔ڈیڑھ عشقیہ سٹار کا کہنا تھا وہ کسی پر اپنی رائے ٹھونسا نہیں چاہتیں لیکن چونکہ عمر خالد سکول میں انکا جونیئر تھا لہٰذا وہ اسے اچھی طرح جانتی ہیں۔واضح رہے عمر خالد اپنے دیگر چار ساتھیوں کے ہمراہ اتوار کے دن اور رات کو یونیورسٹی میں منظر عام پر آیا تھا۔ اس دوران اس نے یونیورسٹی کے 200 سے زائد طلباء4 کے ساتھ خطاب کیا۔ اس نے اپنی تقریر کے آغاز میں کہا تھا کہ میرا نام عمر خالد ہے اور میں دہشت گرد نہیں ہوں۔اداکارہ کی اس ٹویٹ کے بعد عوام کی جانب سے انھیں شدید تنقید کا نشانہ بناتے ہوئے کہا گیا کہ وہ سستی شہرت کیلئے اس قسم کے ہتھکنڈے آزمانا بند کر دیں۔ علا وہ ازیں بیشتر لوگوں کا کہنا تھا کہ اب وہ بھول جائیں کوئی ان کی فلم دیکھنے کیلئے سینما کا رخ کرے گا

موضوعات:ہما قریشی