قائرہ (نیوز ڈیسک)مصر کی عدالت نے ایک چار سالہ بچے کو قتل کے الزام میں عمر قید کی سزا سنادی ہے جبکہ جس وقت جرم ہوا اس وقت یہ بچہ محض ایک سال کا تھا۔بھارتی اخبار کے مطابق احمد منصور کرمی نامی بچے اس وقت عدالت میں موجود نہیں تھا کہ جب اسے قتل کے چار ،اقدام قتل کے آٹھ ،پرائیوٹ پراپرٹی کو نقصان پہنچانے اور پولیس افسروں کو دھمکیاں دینے کے الزام میں عمر قید کی سزا سنائی گئی۔احمد بھی ان 115ملزمان میں شامل تھا جنہیں مصر کی عدالت نے 2014کے شروع میں ہونے والے جرائم میں عمر قید کی سزا سنائی۔ احمد منصور کرمی کے وکیل فیصل ال سعید نے جریدے یورشلم پوسٹ سے گفتگو کرتے ہوئے کہا کہ بچے کا نام اس لسٹ میں غلطی سے ڈال دیا گیاتھا لیکن عدالت نے احمد کا برتھ سرٹیفکیٹ جج کو پیش نہیں کیا جس سے ثابت ہوتاہے کہ وہ 2012میں پیدا ہو اہے۔انہوں نے کہااحمد کا پیدائشی سرٹیفکیٹ سیکیورٹی فورسز کو فہرست میں نام ڈالنے کے بعد پیش کیا گیا لیکن مقدمے کو ملٹری کورٹ میں بھیج دیا گیا تھا اور اس کی غیر موجودگی میں اسے عمر قید کی سزا سنا دی گئی۔فیصل ال سعید کا کہناتھا کہ’ اس سے ثابت ہوتاہے کہ جج نے کیس نہیں پڑھا ‘۔