رسالپور (نیوزڈیسک)رسالپورپولیس اور پاک فضائیہ رسالپور کمانڈوز کا سرچ آپریشن درجنوں مشتبہ افراد سمیت کئی اشتہاری بھی گرفتار اسلحہ برآمد جبکہ ناکہ بندی کے دوران ایک منشیات سمگلر سمیت دوفراد بھی گرفتار کرلئے گئے لاکھوں روپوں کی منشیات پکڑھ لی گئی ۔ تفصیلات کے مطابق تھانہ رسالپور پولیس کے ایس ایچ او حفیظ الرحمن یوسفزئی بمعہ دیگر نفری اور پاک فضائیہ رسالپور کے کمانڈوز نے رسالپور کے علاقوں سائیس منڈی ، گنڈ یری گاوُں ، بہرام کلے خورہ آباد میں مشترکہ سرچ آپریشن کرکے 37مشتبہ افراد سمیت 16اشتہاری گرفتار کرلیا اور ان کے ساتھ 3بندوق ،5پستول اور سینکڑوں کی کارتوس برآمد کی جبکہ رسالپور ڈبل پھاٹک میں ناکہ بندی کے دوران ایک آلٹو موٹر کا نمبر LOX_6846کو رُک کر ان کے خفیہ خانوں سے دوکلو گرام چرس برآمد کی اور اس میں سوار سمگلر سلیمان غنی ولد فضل آمین ساکن پشاور تہکال کو گرفتار کرلیا جبکہ دوسری کاروائی علاقہ زنڈوبانڈہ سے ایک منشیات فروش شیرمحمد ولد سلطان کو گرفتار کرکے ان کے ساتھ 2کلو چرس برآمد کی تمام گرفتار افراد کے خلاف تھانہ رسالپور میں رپورٹ درج کرکے مزید تفتیش کے لئے انوسٹی گیشن پولیس کے حوالے کردیا گیا۔