لاہور( نیوزڈیسک)صوبائی دارالحکومت کے علاقہ باغبانپورہ میں انسداد پولیو ٹیم کے روپ میں ڈاکوﺅں نے گھر میں گھس کر ڈیڑھ لاکھ روپے نقدی ،طلائی زیورات اور قیمتی سامان لوٹ کر فرار ہو گئے ،ماڈ ل ٹاﺅن میں ڈاکوﺅں نے شہری کواسلحے کے زور پر غیر ملکی کرنسی اور موبائل فون سے محروم کر دیا ۔ پولیس کے مطابق باغبانپورہ کی مدینہ کالونی میں ڈاکو ﺅں نے انسداد پولیو مہم کے روپ میں قطرے پلانے کےلئے شہری کے دروازے پر دستک دی اور اندر داخل ہو گئے اور بیگز میں چھپایا گیا اسلحہ نکال کر اہل خانہ کو یر غمال بنا کر ڈیڑھ لاکھ روپے نقدی، طلائی زیورات اور موبائل فون سمیت دیگر قیمتی سامان لوٹ لیا ۔ ڈاکو اہل خانہ کو گھر میں بند کر کے اطمینان سے فرار ہو گئے ۔ اطلاع ملنے پر پولیس فوری موقع پر پہنچ گئی اور ڈاکوﺅں کی تلاس شروع کر دی گئی ہے ۔ علاوہ ازیںماڈل ٹاﺅن میں بینک سکوائر مارکیٹ کے قریب مسلح ڈاکوﺅں نے بلال نامی شہری کو گن پوائنٹ پر روک کر اس سے تین ہزار امریکی ڈالر اور موبائل فون لوٹ لیا اور فرارہو گئے ۔ پولیس نے قانونی کارروائی کا آغاز کر دیا ہے۔