فیصل آباد(نیوز ڈیسک)پنجاب بھر میں سوئی ناردرن گیس کمپنی نے صنعتوں کو گیس کی فراہمی بحال کردی ، بند صنعتوں کا پہیہ پھر سے گھومنے لگا توبے روزگارمزدور خوش ہوگئے۔ادھر فیصل آباد میں مزدوروں اور پاورلومزمالکان کےدرمیان اضافی مزدوررکھنے کے معاملے پرمذاکرات ناکام ہونے سے ہڑتال جاری، ایک ہفتے سے فیکٹریاں بند ہیں۔گوجرانوالہ سمیت پنجاب بھر میں صنعتوں کو سوئی گیس کی فراہمی آج صبح 6 بجے سے بحال کردی گئی،سوئی گیس شارٹ فال کے باعث دسمبر سے پنجاب کے تمام اضلاع میں صنعتوں کو سوئی گیس کی فراہمی بند تھی۔سوئی ناردرن گیس کمپنی کے ایگزیکٹو انجینئر رانا امتیاز کے مطابق پہلے مرحلے میں سرامکس انڈسٹری کو مہینے میں 15 دن جبکہ باقی صنعتوں کو ہفتے میں 2 دن گیس فراہم کی جائے گی۔چیمبر آف کامرس کے اعدادوشمار کے مطابق گوجرانوالہ ریجن میں ایک ہزارچھوٹی بڑی صنعتیں ہیں۔گیس کی فراہمی معطل اورصنعتیں بند ہونے سے ایک لاکھ مزدوربے روزگارتھے۔صنعتوں کا پہیہ دوبارہ چل پڑنے سے مزدوربے حد خوش ہیں۔علاوہ ازیں فیصل آباد میں مزدوروں اور مالکان کے درمیان مشینوں کی صفائی ،تیل دینے اور بیم اٹھانے کے معاملے پر تنازعہ حل نہ ہو سکا، ہزاروں پاور لومز چھٹے روز بھی بند ہیں جبکہ مزدوروں نے 18فروری کو احتجاج کا اعلان کر دیا ہے۔ فیصل آباد میں مزدور تنظیموں نے پاور لومز فیکٹری مالکان سے مطالبہ کیا تھا کہ فیکٹریوں میں مشینوں کی صفائی ،انہیں تیل دینےا ور بیم اٹھانے کا کام کاریگروں سے لینے کی بجائے اس کیلئے الگ سے عملہ بھرتی کیا جائے