لاہور (نیوز ڈیسک) پاکستان مسلم لیگ (ق)کی رکن صوبائی اسمبلی نے وزا ر ت صحت پنجاب میں 564ملین روپے کی ادویات کی خریداری میں گھپلوں پر پنجاب اسمبلی میں تحریک التوائے کار جمع کروادی ۔اپنی تحریک التوائے کار میں انہوںنے کہا کہ صوبائی حکومت کی سالانہ آڈٹ رپورٹ میں انکشاف ہوا ہے کہ محکمہ صحت پنجاب صوبے کے مختلف ہسپتالوںمیں غریب مریضوں کیلئے37.563ملن کی ادویات اور سرجیکل اوزار خریدے گئے یہ دوائیاں ایل پی کے ذریعے خریدی گئی جبکہ خریداری سے قبل نہ کوئی اشتہار دیا گای اور نہ شفاف طریقہ اپنایا گیا ۔رپورٹ کے مطابق وزارت صحت کے اعلیٰ حکام کے نوٹس میں آنے کے باوجود اس مسئلہ پر ان افسران کے خلاف کوئی کارروائی عمل میں نہیں لائی گئی ۔خدیجہ فاروقی نے کہا کہ محکمہ عوام کی فلاح و بہبود اور صحت پر حکومت کی اولین توجہ ہونی چاہیے مگر صحت کے فنڈز میٹرو ٹرین اور اللوں تللوں پر خرچ ہورہے ہیں ۔ہستالوں میں مریض ادویات کے لیے ترس رہے ہیں جبکہ صحت کے لیے مختص رقم خرد برد ہورہی ہے۔انہوںنے اپنی تحریک میں مطالبہ کیا کہ محکمہ صحت میں ادویات کی خریداری میں564ملین روپے کے گھپلوں کی رپورٹ پنجاب اسمبلی کے ایوان میں پیش کی جائے اور ذمہ داروں کا تعین کرکے ان کے خلاف کارروائی کی جائے