لاہور(نیوز ڈیسک)پاکستانی دوست بہت محنت اور محبت کرنے والے ہیںآپ کا ساتھ ہی ہماری کامیابی کی ضمانت ہے۔چنگ چی فیملی پاکستانی ڈیلرز کی وجہ سے دنیا بھر میں خود کو فخریہ انداز میں پیش کرتی ہے۔چنگ چی نے کم آمدن والے افراد کےلئے انتہائی سستا اور آرام دہ سفر کےلئے سہولت فراہم کر کے پاکستان سے گدھا گاڑی کی تاریخ بدل دی ہے۔ان خیالات کا اظہارآٹوز کے حوالے سے عالمی شہرت یافتہ کمپنی پام چنگ چی موٹرز کے زیر اہتمام شاہکار،شالیماررکشہ اور عوامی موٹر سائیکل کے نئے ماڈل کی تعارفی اور پاکستان بھر سے آئے ہوئے کامیاب ڈیلرز کےلئے انعامات کی تقریب سے خطاب کرتے ہوئے ایم ڈی کمپنی مسٹر وانگ شوچنگ نے کیا۔ان کے ہمراہ چین سے آئے ہوئے بزنس مین مسٹر لی، اسٹنٹ مینیجر پاکستان عطا الرحمان نے بھی اظہار خیال کرتے ہوئے ڈیلرز کا شکریہ ادا کیا۔تقریب میں پہلی ڈیلر خاتون سمیت پاکستان بھر سے آئے ہوئے ڈیلرز میں سب سے زیادہ سیل ٹارگٹ حاصل کرنے والے پانچ ڈیلرز میں کار کی چابیاں تقسیم کی گئیں جبکہ دیگر قیمتی انعامات بھی تقسیم کئے گئے۔ اسٹنٹ مینیجر پاکستان عطا الرحمان نے آن لائن کو بتایا کہ پہلا انعام شاہی آٹوز ٹانک نے حاصل کیا جبکہ دیگر ڈیلرز مسٹر وانگ شوچنگ کو روایتی اچرک و کیپ بطور تحفہ پیش کیں۔