لاہور(نیوزڈیسک)تحریک انصاف کے الیکشن میں حصہ لینے والے ہوشیار ہوجائیں،اہم فیصلہ کرلیاگیا،پاکستان تحریک انصاف کی قیادت نے انٹر اپارٹی انتخابات میں رہنماﺅں کے درمیان اختلافات کو شدید ہونے سے روکنے کےلئے اہم فیصلہ کیا ہے ۔ ذرائع کے حوالے سے بتایا گیا ہے کہ انٹر اپارٹی انتخابات میں حصہ لینے والے رہنماپارٹی سے وابستگی اور اپنی کارکردگی سامنے لا سکیں گے لیکن انہیں ایک دوسرے کے خلاف غلط اور بے بنیاد پراپیگنڈا کرنے کی قطعا ً اجازت نہیں ہو گی ۔ذرائع کے مطابق پہلے انٹرا پارٹی انتخابات میں بھی اس طرح کی شکایات سامنے آئی تھیں اور انتخابی عمل مکمل ہونے کے باوجود رہنماﺅں کے درمیان رنجشیں دور نہیں ہو سکی تھیں۔ ذرائع کے مطابق رہنماﺅں کے ایک دوسرے کے خلاف غلط پراپیگنڈا مہم کو روکنے کےلئے مانیٹرنگ کرنے کا فیصلہ کیا گیا ہے اور ایسا طرز عمل اختیار کرنے والے رہنماﺅں کو قیادت کی طرف سے سخت تنبیہ کی جائے گی۔