کراچی(نیوزڈیسک) نیشنل اسٹیڈیم میں بھی پابندی کے خاتمے کے بعد سلمان بٹ اور محمد آصف ایکشن میں نظر آئے۔ سلمان بٹ نے 99 رنز کی دھواں دھار اننگز کھیلی جس میں سات چوکے بھی شامل تھے۔ میچ میں ناٹ آوٹ رہنے والے بلے باز سلمان بٹ کا کہنا تھا کہ پرفارمنس اور فٹنس پر فوکس ہے۔ شاہد آفریدی بڑے ہیں وہ جو بھی کہیں برا نہیں مانتا۔ کراچی وائٹ کیخلاف میچ میں محمد آصف کوئی وکٹ لینے میں کامیاب نا ہو سکے۔ انھوں نے وقار یونس اور چیئرمین پی سی بی کے بیان کو حوصلہ افزائ اقرار دیا۔ واپڈ کو کراچی وائٹ نے سنسنی خیز مقابلے کے بعد 7 وکٹوں سے شکست دیدی۔ واضح رہے کہ شاہدآفریدی نے محمد عامر کا معاملہ سلمان بٹ اور محمدآصف سے بالکل الگ قراردیاتھا محمدآصف اور سلمان بٹ کی واپسی کی مخالفت کرتے ہوئے آفریدی کاکہناتھا کہ محمدعامر نے اپنی غلطی تسلیم کی تھی جبکہ سلمان بٹ اور محمد آصف میڈیا پر بیان بازیاں کرتے رہے اور قوم کو عرصے تک دھوکے میں رکھا۔