کراچی(نیوزڈیسک) شکار پور میں پولیس نے امن دشمنوں کے خلاف کامیاب کارروائی کے دوران خان پور سے دہشتگرد نیٹ ورک کے چھ ارکان گرفتار کر لئے۔ پکڑے گئے دہشتگردوں میں عبد العزیز، سراج بروہی، عبد الغنی، محمد دین، سراج لانگا اور اکرم آرائیں شامل ہیں۔ دہشتگردوں سے سو کلو بارودی مواد بھی برآمد ہوا۔ دہشتگردوں کا تعلق کالعدم تنظیم سے ہے اور وہ درگاہ حاجن شاہ اور جیکب آباد میں دھماکوں اور سابق ایم این اے ابراہیم جتوئی پر خود کش حملے میں بھی ملوث ہیں۔ ایس ایس پی مسعود بنگش کے مطابق دہشتگردوں کا نیٹ ورک شکار پور اور جیکب آباد میں کام کر رہا تھا۔