اسلام آباد(نیوز ڈیسک)اسلام آباد کے علاقے گوجر خان میں چپس کے پیکٹ سے نکلنے والی انسانی انگلی کی تحقیقات کا دائرہ وسیع کردیاگیا ہے پیکٹ سے انگلی نکلی تھی لیکن فیکٹری کے مالک نے مزدور لڑکی کے انگوٹھا کٹ جانے کا بتایا ہے پولیس کے ساتھ ساتھ سپیشل برانچ راولپنڈی نے معاملے کی تحقیقات شروع کردی ہیں ۔ تفصیلات کے مطابق گوجر خان شہر میں قائم ایک مقامی فیکٹری کے چپس کے پیکٹ سے انسانی انگلی برآمد ہونے کا معاملہ تاحال حل نہیں ہوسکا ہے کیونکہ پیکٹ سے جو انگلی نکلی وہ درمیانی یا ساتھ والی انگلی تھی جبکہ فیکٹری کے مالک ملک رشید نے تحقیقات اداروں کو بتایا ہے کہ ہماری فیکٹری میں کام کرنیوالی پندرہ سالہ مریم چلتی مشین سے پیکٹ نکالنے کی کوشش کی تھی جس سے اس کے بائین ہاتھ کا انگوٹھا مشین کے اوپر والے حصے میں آکر کٹ گی اتھا لڑکی کا زخم ٹھیک ہوچکا ہے اور اس کے ایکسرے بھی ہمارے پاس ہیں اور ہرفورم پر ہم قانونی جنگ بھی لڑیں گے اس معاملے کی مقامی پولیس کیساتھ ساتھ سپیشل برانچ بھی تفتیش کررہی ہے ۔