لند ن (نیوزڈیسک)لندن میں قتل ہونیوالے متحدہ قومی موومنٹ کے رہنما ڈاکٹر عمران فاروق کے مقدمے میں موقع کی شہادتیں میسر نہ ہونے کی وجہ سے مشترکہ تحقیقاتی ٹیم کو مکمل کے بجائے عبوری چلان پیش کرنا پڑا۔میڈیا رپورٹ کے مطابق ایف آئی اے کے ذرائع نے بتایا کہ 3 گرفتار ملزمان کے تحقیقاتی اداروں کی تحویل کے دوران اعتراف جرم کے بیانات انھیں اورالطاف حسین سمیت دیگر ملزمان کو سزا دلانے کیلئے ناکافی ہیں کیونکہ کسی بھی جرم کو ثابت کرنے کیلئے موقع کی شہادتیں ناگریز ہوتی ہیں، اسی لیے وزارت داخلہ کو مشترکہ تحقیقاتی ٹیم کی جانب سے خصوصی مراسلہ لکھا گیا کہ چالان مکمل کرنے کیلئے اسکاٹ لینڈ یارڈ پولیس کی جانب سے جائے واردات سے جمع کیے گئے شواہد فراہم کرنے کیلئے برطانوی حکومت سے تعاون مانگا جائے۔اس کیس میں الطاف حسین کومرکزی ملزم نامزد کرنے کا فیصلہ کیا گیا