شکاگو(نیوزڈیسک)امریکی ریاست الینوائے کے شہر شکاگو کے مضافات میں واقع کرسچن کالج کی ایک مسیحی پروفیسر کو مسلمانوں سے اظہار یکجہتی کے لیے حجاب پہننے پر انتظامیہ نے رخصت پر بھیج دیا،امریکی خبر رساں ادارے کے مطابق وہیٹون کالج میں سیاسیات پڑھانے والی ایسوسی ایٹ پروفیسر لاریشیا ہاکنز کو رخصت پر بھیج دیا گیا،غیرملکی خبررساں ادارے کے مطابق کالج انتظامیہ کے جاری کردہ اعلامیے میں کہاگیاکہ مذکورہ استاد کو سوشل میڈیا پر ا±ن کے اس بیان کے بعد رخصت پر بھیجا گیا جس میں انھوں نے اسلام اور عیسائیت کے درمیان مشترک چیزیں بیان کی تھیں،کالج کی ترجمان نے اس فیصلے کے حوالے سے مزید معلومات فراہم نہیں کیں، تاہم اپنے تحریری بیان میں کالج میں سر پر اسکارف پہننے پر تشویش کا اظہار کیا گیا،شکاگو چرچ میں ایک نیوز کانفرنس کے دوران ہاکنز کاکہنا تھاکہ انھوں نے محسوس کیا کہ ملک میں مسلمانوں کے ساتھ اظہارِ یکجہتی بہت ضروری ہے،ان کا مزید کہنا تھاکہ نظریاتی یکجہتی، یکجہتی نہیں ہے،ہاکنز کا کہنا تھا کہ وہ چرچ کے عقائد کی تصدیق کرتی ہیں، ساتھ ہی انھوں نے کہا کہ وہ کالج کے ساتھ اس مسئلے کے ایک دوستانہ حل کے لیے پ±ر امید ہیں۔