لندن (نیوز ڈیسک) امریکہ میں صدارتی امیدوار بننے کے ری پبلکن خواہش مند ڈونلڈ ٹرمپ اسکاٹ لینڈ میں گولف کلب سے متعلق کیس ہار گئے۔سکاٹ لینڈ کی حکومت نے ابرڈین شائر میں ڈونلڈ ٹرمپ کے گولف کلب کے قریب 11ٹربائن بنانے کی منظوری دی تھی ، ڈونلڈ ٹرمپ نے اس منصوبے کےخلاف برطانوی عدالت میں اپیل دائر کی تھی کہ ان ٹربائن کی تعمیر سے ان کے گولف اسٹیٹ کو نقصان پہنچے گا اس لئے ان کی تعمیر فوری روکی جائے۔برطانوی سپریم کورٹ نے ٹرمپ کی درخواست مسترد کرتے ہوئے ونڈ فارم کی تعمیر جاری رکھنے کا فیصلہ دیا اور اسکاٹ لینڈ کی عدالت کا فیصلہ برقرار رکھا۔