ساہیوال(نیوزڈیسک) ساہیوال میں نجی ٹی وی چینل لاہور کی رپورٹر ثمینہ خان کے سرمیں ٹوکے مارکر اس کے خاوند کنور نے اسے شدید زخمی کردیا جسے تشویش ناک حالت کے پیش نظر ڈسٹرکٹ ہیڈ کوارٹرہسپتال میں انتہائی نگہداشت کے یونٹ میں داخل کرادیاگیا ہے تفصیلات کے مطابق ثمینہ خان ایک نجی ٹی وی چینل میں لاہور کے لئے رپورٹنگ کررہی تھیں کہ اس کا اس کے خاوند کنور سے جھگڑا ہوگیا جس پر عرصہ ایک ماہ قبل ناراض ہوکر مسلم ٹاﺅن کالونی ساہیوال میں اپنی والدہ کے پاس آگئیں کنور نے موبائل فون پر ثمینہ کو منانے کی کوشش کی لیکن ثمینہ نے اپنے خاوند کے ساتھ جانے سے انکار کردیا جس پر گزشتہ روز صبح چار بجے ثمینہ اپنی والدہ کے ہمراہ دیگر اہل خانہ کے ساتھ گھرمیں سوئی ہوئی تھی کہ ملزم کنور نے سیڑھی لگاکردیوار پھلانگ لی اور پھر ٹوکے کے وارکرکے ثمینہ خان کو وہیں چھوڑ کر بھاگ گیا ثمینہ کے واویلا پر اس کی والدہ اور پڑوسی اٹھ کھڑے ہوئے اورملزم کا تعاقب کیا تو ملزم فرار ہونے میں کامیاب ہوگیا، پولیس غلہ منڈی نے موقع پرپہنچ کر تفتیش شروع کردی ہے اور ثمینہ کی حالت نازک ہے۔