پیرس(نیوز ڈیسک) فرانس میں ایک سکول ٹیچر پر داعش کے ایک کارکن نے چاقو کے ساتھ حملہ کر کے بری طرح زخمی کر دیا۔ تفصیلات کے مطابق 40 سالہ خاتون سکول میں اپنی کلاس کی تیار کرر ہی تھی جب نقاب پہنے ایک شخص نے اس پر حملہ کر دیا۔حملہ آور کے پاس ایک بکس تھا جس میں قینچی اور کٹر موجود تھا۔ میڈیا رپورٹ کے مطابق حملہ آور نے دعویٰ کیا کہ وہ داعش کے نام پر یہ سب کر رہا ہے اس حملے کا مقصد خبردار کرنا ہے۔ پولیس نے موقعہ واردات پہنچ کر زخمی ٹیچر کو ہسپتال منتقل کر دیا جہاں ان کا علاج چل رہا ہے۔پولیس کا کہنا ہے کہ خاتون کے بتائے گئے حلیے کی مدد سے وہ حملہ آور کی تلاش کر رہے ہیں پولیس نے تشویش ظاہر کی ہے کہ سکول سینٹ ڈینس میں واقع ہے جہاں پیرس حملوں کا ماسٹر مائنڈ عبدالحمید کو گزشتہ ماہ مارا گیا تھا اور اس حملے کا تعلق عبدالحمید کی موت سے ہو سکتاہے ۔