لندن: برطانیہ کے ایک ریڈیو اسٹیشن پر ایک شخص نے کال کرکے تمام مسلمانوں سے پیرس حملوں پر معذرت کرنے کا مطالبہ کیا جس پر پروگرام کے ہوسٹ اور کالر کے درمیان دلچسپ گفتگو ہوئی۔

کال کے آغاز پر رچرڈ نامی اس شخص کا کہنا تھا کہ وہ مانتے ہیں کہ اس طرح کی سوچ رکھنے والوں کی تعداد بہت کم ہے پھر بھی تمام مسلمانوں کو واقعے پر معافی مانگنی چاہیے۔

پروگرام کے ہوسٹ جیمز او برائن نے جواب میں کہا کہ آپ معذرت نہیں کرتے جس پر کالر نے کہا کہ میں کس چیز کے لیے معذرت کروں۔

اس پر ہوسٹ نے کہا کہ اسی طرح کسی کو بھی اس واقعے پر معذرت کرنے کی ضرورت نہیں کیوں کہ یہ اسلام کے نام پر نہیں کیا گیا۔

او برائن نے کہا کہ 2001 میں ہونے والے ایک بم حملے میں رچرڈ ریڈ تھا تو کیا تمام ان افراد جن کا نام رچرڈ ہے، (کالر کا نام بھی رچرڈ تھا) انہیں اس واقعے پر معذرت کرنی چاہیے چاہیں وہ کتنی ہی مختلف سوچ کیوں نہ رکھتے ہوں؟

کالر کے پاس ان دلائل کا جواب موجود نہیں تھا جس پر اوبرائن نے کہا کہ آپ کو مان لینا چاہیے کے آپ سے غلطی ہوگئی ہے تاہم کالر نے ایسا کرنے انکار کرگیا اور گفتگو ختم ہوگئی۔

`