اسلام آباد (نیوزڈیسک) سپیشل جج کسٹمز ٹیکسیشن اینڈ انٹی سمگلنگ رانا آفتاب احمد نے کروڑوں روپے ٹیکس فراڈ کے ملزمان باپ بیٹے ہاشم بابر اور فواد کے ناقابل ضمانت وارنٹ گرفتاری جاری کر دیئے۔ ملزمان عدالت سے ضمانت کی درخواست خارج ہوتے ہی فرار ہو گئے تھے جب انٹیلی جنس اینڈ انوسٹی گیشن ان لینڈ ریونیو کی ٹیموں نے جناح سپر مارکیٹ کے سامنے واقع دو کنال رقبے کے پرتعیش گیسٹ ہائوس اور اسلام آباد میں متعدد فرنیچر کے شوروموں کے مالکان باپ بیٹے کو گرفتار کرنے کیلئے چھاپے مارنے شروع کئے تو ہاشم بابر اور فواد نے اسلام آباد ہائیکورٹ سے عبوری ضمانت قبل از گرفتاری منظور کرالی۔