لاہور(نیوزڈیسک)لاہور ہائیکورٹ نے نواز شریف، شہباز شریف،پرویز الٰہی،چوہدری شجاعت حسین، عمران خان،سردار ایاز صادق،اسحاق ڈار، جاوید ہاشمی،فاروق ستار،شیخ رشید ،حمزہ شہباز شریف سمیت64 سیاست دانوں اور معروف شخصیات کے بیرون ملک اثاثے واپس لانے اور ان سے بیان حلفی طلب کرنے کی درخواست پر وفاقی حکومت کو جواب داخل کرانے کا ایک اور موقع دے دیا۔سیاستدانوں نے چار سو ارب ڈالر غیر قانونی طور پر بیرون ملک منتقل کئے، نواز شریف کے صاحبزادوں نے برطانیہ میں159جائیدادیں خریدیں ،تمام سیاستدانوں نے بیرون ملک اثاثے بنا کر ملک کو کنگال کیا:درخواست گزار کا موقف،کیس کی سماعت 15جنوری تک ملتوی کردی گئی، درخواست گزاربیرسٹر جاوید اقبال جعفری نے عدالت کو بتایا کہ نواز شریف،شہباز شریف،پرویز الہی ،چوہدری شجاعت حسین،عمران خان، سردار ایاز صادق،اسحاق ڈار،جاوید ہاشمی،فاروق ستار،عاصمہ جہانگیر،خواجہ شریف ،حمزہ شہباز شریف ،شاہد خاقان عباسی،رانا تنویر اور شیخ رشید نے چار سو ارب ڈالر غیر قانونی طور پر بیرون ملک منتقل کئے اور قومی خزانے کو ناقابل تلافی نقصان پہنچایا۔انہوں نے کہا کہ نواز شریف کے صاحبزادوں نے برطانیہ میں159 جائیدادیں خریدیں جبکہ درخواست میں فریق بنائے گئے تمام سیاستدانوں نے بیرون ملک اثاثے بنا کر ملک کو کنگال کیا۔