کراچی (نیوز ڈیسک) ڈالرروپے کے مقابلے میں 3 ماہ کی کم ترین سطح پر آگیا، ڈالر کی قدر میں شدید اتار چڑھاﺅ دیکھنے میں آرہا ہے۔ انٹربینک میں ڈالر 3 ماہ کی کم ترین سطح پر آگیاہے۔انٹربنک مارکیٹ میں ڈالر کی قدر میں 75 پیسے کی کمی ہوئی ہے جس کے بعد ڈالر گزشتہ روز104 روپے25 پیسے میں فروخت ہوتارہا ہے۔ اوپن مارکیٹ میں ڈالر 106 روپے سے بھی نیچے آگیا جس کے بعد اوپن مارکیٹ میں ڈالر 105 روپے 90 پیسے کا ہوگیا۔مقامی میڈیا کے مطابق وزیر خزانہ کے ڈالر کی قیمت میں اضافے کا نوٹس لیے جانے کے بعد ڈالر کے مقابلے میں روپے کی قیمت میں استحکام آرہا ہے اورآئندہ چند روز میں ڈالر کی قیمت مزید نیچے جائے گی۔