واشنگٹن(نیوز ڈیسک)امریکی محکمہ خارجہ نے کہا ہے کہ کیلیفورنیا حملے میں ملوث ملزم رضوان فاروق کی بیوی تاشفین ملک پاکستانی شہری ہوسکتی ہے۔امریکی محکمہ خارجہ کے نائب ترجمان مارک ٹونر نے پریس کانفرنس میں بتایا کہ ملزمہ تاشفین ملک ’کے ون‘ ویزا پر امریکا آئی تھی، یہ ویزاامریکی شہریوں کے بیرون ملک منگیتروں کے لیے مخصوص ہے جو 90 دن کے لیے دیا جاتا ہے۔مارک ٹونر نے کہا کہ تاشفین نے یہ ویزا امریکی شہری رضوان فاروق کی منگیتر کی حیثیت سے اسلام آباد سے حاصل کیا۔ ویزہ شاید 2012 ءمیں لیا گیا لیکن اس بارے میں یقین سے کچھ نہیں کہا جاسکتا۔ یہ تصدیق بھی نہیں کی جاسکتی کہ رضوان فاروق اور تاشفین نے سعودی عرب کا سفر کیا تھا یا نہیں۔ترجمان نے کہا کہ تحقیقات جاری ہیں۔ جس میں تمام باتیں سامنے آجائیں گی کہ ملزمان ایک دوسرے سے کب ملے ، انہوں نے کس کس ملک کا سفر کیا اور ویزہ کب حاصل کیا گیا۔