لاہور( این این آئی)پنجاب حکومت نے اورنج لائن میٹرو ٹرین منصوبے پر بڑھتے ہوئے دباﺅ کے باعث اسٹیک ہولڈر کو اعتماد میں لینے کا فیصلہ کرلیا ،پنجاب حکومت کی جانب سے کمشنر لاہور ڈویژن عبد اللہ خان سنبل نے تمام اسٹیک ہولڈرز کو دعوت دے دی ۔ پنجاب حکومت کی جانب سے آئینی ماہر سلمان اکرم راجہ ، آرکیٹکٹ نیئر علی دادا،کامل ممتاز خان ،ڈاکٹر اعجاز انور،پرنسپل این سی اے ڈاکٹر مرتضیٰ جعفری ،لاہو ربچاﺅ تحریک ،راستہ بدلو،لاہور کنزرویشن سوسائٹی اورسول سوسائٹی سمیت انجینئرز اور آرکیٹکٹس سمیت دیگر کو کو بھی دعوت دی گئی ہے۔بریفنگ میںرہنما مسلم لیگ (ن) خواجہ احمد حسان ، پرویز ملک ،ڈی سی او کیپٹن (ر) محمد عثمان ، عمرانہ ٹوانہ،ڈی جی ایل ڈی اے احد خان چیمہ ، سیکرٹریز اطلاعات ،سیاحت اور دیگر محکموں کے حکام بھی شریک ہوں گے ۔ کمشنر لاہور ڈویژن کے مطابق میڈیا کو چند روز بعد بریفنگ دی جائے گی ۔