اسلام آباد (نیوز ڈیسک)پاکستانی اداکارہ حنا الطاف نے دورانِ پرواز ایک مسافر کے مبینہ نامناسب طرزِ عمل پر ناراضی کا اظہار کرتے ہوئے اس کی تصویر سوشل میڈیا پر شیئر کردی،

جس کے بعد یہ معاملہ صارفین کی توجہ کا مرکز بن گیا۔اداکارہ نے اپنی انسٹاگرام اسٹوری میں بتایا کہ جہاز میں ان کے قریب بیٹھا ایک شخص مسلسل انہیں گھور رہا تھا، جس کی وجہ سے وہ دورانِ سفر شدید کوفت اور بے چینی محسوس کرتی رہیں۔حنا الطاف کے مطابق جب اس مسافر کو اندازہ ہوا کہ وہ اس کی ویڈیو ریکارڈ کررہی ہیں تو اس نے کچھ دیر کے لیے اپنا چہرہ چھپا لیا، تاہم بعد میں دوبارہ انہیں گھورنے لگا۔ اداکارہ نے اس حرکت کو انتہائی غیر مناسب اور بے شرمانہ قرار دیتے ہوئے مسافر کے رویے پر سخت ردعمل دیا۔

انہوں نے اپنی ایک تصویر بھی انسٹاگرام اسٹوری پر پوسٹ کی، جس میں وہ سادہ لباس، چشمہ اور فیس ماسک پہنے طیارے میں بیٹھی دکھائی دے رہی ہیں۔ تصویر کے ساتھ اداکارہ نے سوال اٹھایا کہ کیا ان کے لباس میں کوئی خرابی تھی؟ ان کا کہنا تھا کہ ایسا بالکل نہیں تھا۔واقعے کی تفصیلات سامنے آنے کے بعد سوشل میڈیا صارفین کی جانب سے بھی مسافر کے مبینہ رویے پر تنقید کی جارہی ہے، جبکہ متعدد افراد نے اداکارہ کے ساتھ پیش آنے والے واقعے پر تشویش کا اظہار کیا ہے۔

https://www.instagram.com/reel/Dfe3TJ2IEaq/?utm_source=ig_web_button_share_sheet