اسلام آباد(این این آئی)اوگرانے پیٹرولیم مصنوعات کی قیمتوں میں ردوبدل کرتے ہوئے نوٹیفکیشن جاری کردیا۔

اوگرا کی جانب سے (آج)23اکتوبر کیلیے پیٹرول کی قیمت میں 1روپے 60پیسے کی مزید کمی کی گئی جس کے بعد نئی قیمت 377روپے 71پیسے فی لیٹر ہوگئی ہے۔دوسری جانب ہائی اسپیڈ ڈیزل کی قیمت میں 1روپے 64پیسے فی لیٹر اضافہ کیا گیا جس کے بعد نئی قیمت 391روپے 75پیسے فی لیٹر ہوگئی۔

نوٹیفکیشن کے مطابق پیٹرولیم مصنوعات کی نئی قیمتوں کا اطلاق (آج)23اکتوبر کیلئے رات 12بجے سے ہوگیاہے۔پیٹرولیم ڈویژن کے مطابق اوگرا نے پیٹرولیم مصنوعات کی ایکس ڈپو قیمتوں میں عالمی حالات اور پلاٹس ریٹس میں تبدیلی کے باعث ردوبدل کیا ہے۔