لاہور( این این آئی)سرکاری حج اسکیم کے تحت واجبات کی دوسری قسط کی ادائیگی میں چار دن باقی ر گئے ہیں،
وزارت مذہبی امور نے عازمین حج کو 20 اکتوبرسے قبل قسط جمع کرانے کی ہدایت کردی ۔ وزارت کے مطابق حج درخواست کی منسوخی سے بچنے کیلئے واجبات بروقت جمع کرائی جائیں۔ترجمان وزارت مذہبی امور کے مطابق دوسری قسط کی ادائیگی کیلئے نیشنل آئی ٹی بورڈ کا حج پورٹل یا پاک حج موبائل ایپ استعمال کیا جائے۔پورٹل پر ادائیگی بینک کارڈ، ون لنک یا مینول بینک چالان کے ذریعے کی جا سکتی ہے۔
ترجمان نے کہا ہے عازمین حج اپنی درخواست کی منسوخی سے بچنے کیلئے واجبات بروقت جمع کرائیں۔ حج پورٹل پر موجود میڈیکل فٹنس سرٹیفکیٹ ڈائون لوڈ کر کے ڈاکٹر سے تصدیق کرانا لازم ہے۔ تصدیق شدہ فٹنس سرٹیفکیٹ حج پورٹل پر دوبارہ اپ لوڈ کرنا ہوگا۔
