اسلام آباد (نیوز ڈیسک) حکومت نے پیٹرولیم مصنوعات کی قیمتوں میں معمولی ردوبدل کرتے ہوئے پیٹرول فی لیٹر 66 پیسے سستا کردیا، جبکہ ڈیزل کی قیمت میں 52 پیسے کا اضافہ کیا گیا ہے۔

پیٹرولیم ڈویژن کی جانب سے جاری کردہ نوٹیفکیشن کے مطابق پیٹرول کی قیمت میں کمی کے بعد نئی قیمت 398 روپے 30 پیسے فی لیٹر مقرر ہوگئی ہے۔

اعلامیے میں بتایا گیا ہے کہ ہائی اسپیڈ ڈیزل کی قیمت 52 پیسے فی لیٹر بڑھائی گئی ہے، جس کے بعد اس کی نئی قیمت 396 روپے 24 پیسے فی لیٹر ہوگئی ہے۔

نوٹیفکیشن کے مطابق پیٹرولیم مصنوعات کی قیمتوں میں یہ ردوبدل 10، 11 اور 12 اکتوبر کے لیے نافذ العمل ہوگا۔