لاہور (این این آئی)ایزل کی والدہ نے معروف یوٹیوبر رجب بٹ سے متعلق دعوی کیا ہے کہ وہ ان سے ملاقات کیلئے صرف وی لاگ بنانے آئے تھے اور انہوں نے کسی قسم کی مالی مدد نہیں کی۔
رجب بٹ نے حال ہی میں بچوں سے متعلق اپنے متنازع بیان پر شدید تنقید کے بعد معافی مانگی تھی، جس کے بعد وہ انصاف کیلئے احتجاج کرنے والی ایزل کی والدہ سے ملاقات کیلئے بھی پہنچے تھے۔ملاقات کے بعد سوشل میڈیا پر یہ اطلاعات گردش کرنے لگی تھیں کہ یوٹیوبر نے ایزل کی والدہ کی مالی معاونت بھی کی ہے۔
تاہم اب ایزل کی والدہ نے ان دعوں کی تردید کرتے ہوئے کہا کہ رجب بٹ صرف وی لاگ بنانے آئے اور انہوں نے کوئی مدد نہیں کی۔ ساتھ ہی انہوں نے جے ڈی سی کی جانب سے مدد ملنے کی اطلاعات کی بھی تردید کی۔ایزل کی والدہ کے بیان کے بعد رجب بٹ کو سوشل میڈیا پر ایک بار پھر تنقید کا سامنا کرنا پڑ رہا ہے۔
