لاہور( این این آئی)پاکستانی اداکارہ میرا نے برطانوی حکومت سے اپیل کی ہے کہ انہیں انسانی ہمدردی کی بنیاد پر ویزا جاری کیا جائے تاکہ وہ لندن جاکر کینسر کے مرض میں مبتلا اپنی بہن شائستہ عباس سے مل سکیں۔

میرا کی بہن شائستہ عباس ایڈوانس اسٹیج کے کینسر میں مبتلا ہیں اور ان کی طبیعت بگڑ رہی ہے جس کے باعث اداکارہ اس مشکل وقت میں اپنی بہن کے پاس پہنچنا چاہتی ہیں۔میرا نے برطانوی وزیراعظم اینڈی برنہم، وزیر خارجہ ایڈ ملی بینڈ اور پاکستان میں برطانوی ہائی کمشنر جین میریٹ سے بھی ان کے معاملے پر انسانی ہمدردی کی بنیاد پر غور کرنے اور ویزا جاری کرنے میں مدد کی اپیل کی ہے۔

میرا کو ماضی میں برطانیہ کا ویزا حاصل کرنے میں مشکلات کا سامنا رہا ہے اور ان پر ایک موقع پر 10 سال کے لیے برطانیہ میں داخلے پر پابندی بھی عائد کی گئی تھی۔ پابندی کی مدت ختم ہونے کے بعد بھی ویزے کے معاملے میں مشکلات برقرار رہیں۔