اسلام آباد (نیوز ڈیسک) کاروباری ہفتے کے تیسرے روز اوپن مارکیٹ میں امریکی ڈالر سمیت اہم غیر ملکی کرنسیوں کے نرخ میں کمی ریکارڈ کی گئی۔

فاریکس مارکیٹ کے تازہ اعداد و شمار کے مطابق امریکی ڈالر کی قیمت میں 4 پیسے کمی ہوئی، جس کے بعد اس کا نرخ 279 روپے 22 پیسے ہوگیا۔اسی طرح یورو بھی 88 پیسے سستا ہوا اور نئی قیمت 320 روپے 75 پیسے مقرر کی گئی، جبکہ برطانوی پاؤنڈ کے نرخ میں 1 روپے 38 پیسے کی کمی کے بعد یہ 373 روپے 87 پیسے پر آگیا۔دوسری جانب اوپن مارکیٹ میں یو اے ای درہم کی قدر میں معمولی اضافہ دیکھا گیا۔ درہم 2 پیسے مہنگا ہونے کے بعد 76 روپے 29 پیسے کا ہوگیا۔سعودی ریال کی قیمت میں بھی ایک پیسے کا اضافہ ہوا، جس کے بعد ریال 74 روپے 52 پیسے میں دستیاب رہا۔