اسلام آباد (نیوز ڈ یسک) پاکستان کے معروف آل راؤنڈر شعیب ملک نے اپنی شادی اور نکاح سے متعلق گردش کرنے والی افواہوں پر منفرد اور مزاحیہ انداز میں ردعمل دیا ہے۔
حال ہی میں ایک پروگرام میں گفتگو کرتے ہوئے شعیب ملک نے اپنی نجی زندگی کے حوالے سے سامنے آنے والی مختلف خبروں اور قیاس آرائیوں پر بات کی۔ انہوں نے کہا کہ انہیں آئے روز اپنے نکاح سے متعلق نئی خبریں سننے کو ملتی ہیں۔کرکٹر کا کہنا تھا کہ وہ خود بھی حیران رہ جاتے ہیں کہ ان کی شادی کے حوالے سے اتنی زیادہ افواہیں آخر کہاں سے جنم لیتی ہیں۔شعیب ملک نے ہنستے ہوئے کہا کہ وہ اپنے بارے میں یہ افواہ سننا پسند کریں گے کہ وہ ایک ’’جینٹل مین‘‘ ہیں، تاہم شادی سے متعلق مسلسل افواہوں کے باعث شاید یہ خواہش پوری ہونا مشکل ہے۔
واضح رہے کہ شعیب ملک کی نجی زندگی پہلے بھی متعدد مرتبہ میڈیا کی توجہ کا مرکز بن چکی ہے۔ انہوں نے بھارتی ٹینس اسٹار ثانیہ مرزا سے شادی کی تھی، تاہم بعد ازاں دونوں کے درمیان علیحدگی ہوگئی۔
