کراچی۔۔۔۔۔ایڈیشنل ا ئی جی کراچی غلام قادر تھیبو نے دعویٰ کیا ہے کہ پولیس نے ایئرپورٹ حملے میں ملوث دہشت گردوں کے معاونین سمیت تمام ملزمان کو گرفتار کرلیا ہے۔کراچی میں جشن عید میلادالنبی کے جلوس کی سکیورٹی کے جائزے کے دوران میڈیا سے بات کرتے ہوئے غلام قادر تھیبو نے بتایا کہ کراچی ایئرپورٹ پر حملے میں کالعدم تنظیم ملوث تھی جس کے تمام ملزمان کو گرفتار کرلیا گیا ہے جبکہ حملے میں معاونت کرنے والوں کو بھی پکڑا جاچکا ہے۔ ان کا کہنا تھا کہ ایئرپورٹ حملے میں ملوث تمام دہشت گردوں کو مارا جاچکا ہے جبکہ معاونت کرنے والوں کو شاہ فیصل کالونی، نواب شاہ اور دیگر علاقوں سے گرفتار کیا گیا ہے۔ایڈیشنل ا?ئی جی کراچی کا کہنا تھا کہ عیدمیلاالنبی کے موقع پر شہر میں دہشت گردی کے خطرے کی کوئی خاص اطلاع نہیں ہے تاہم پولیس کی جانب سے جلوس کی سکیورٹی کے لیے فول پروف انتظامات کیے گئے ہیں جس کے تحت 5 ہزار اہلکاروں کو جلوس کے راستے پر تعینات کیا گیا ہے جبکہ کلوز سرکٹ کیمروں کے ذریعے جلوس کی نگرانی کی بھی جارہی ہے۔