لاہو(نیوز ڈیسک )شوگر ملزایسویسی ایشن کا کہنا ہے کہ کسانوں کو ادائیگیاں نہ کرنے کا پراپیگنڈہ درست نہیں ،چینی کا کاروبار سیاست کی نذر نہ کیا جائے ،شوگر ملیں بند ہوئیں تو گنے کے کاشت کار بھی سڑکوں پر نکل آئیں گے۔لاہور میں پریس کانفرنس کے دوران شوگر ملز ایسوسی ایشن کے عہدے دار حکومت سے نالاں نظر آئے،مرکزی چیئرمین سکندر خان نے حکومتی قوانین پر شدید تنقید کی اورکہا کہ 1950 ءکا ایکٹ پرانا ہو چکا ، نئے تقاضوں کو سمجھا جائے، اس وقت تک نہیں چلائینگے جب تک ملک بھر میں گنے کی یکساں قیمت مقرر نہیں کی جاتی۔شوگرملزپنجاب زون کے چیئرمین جاوید کیانی کا شکوہ تھا کہ بیوروکریسی نے حکم نامہ بھجوا دیا کہ ملوں والے 15 یوم میں کسانوں کو گنے کی قیمت ادا کریں ورنہ گرفتار کر لیں گے۔انہوں نے کہا کہ کاوربار میں اونچ نیچ چلتی رہتی ہے دھمکیوں سے مرعوب نہیں ہو نگے،شوگر ملز مالکان نے نئے کرشنگ سیزن سے پہلے حکومت کو پیغام دیا ہے کہ گنے کا خریدار ا±ن کے سواکوئی نہیں، لہذا شوگرپالیسی انکی مشاورت سے بنائی جائے۔