ہیوسٹن(نیوز ڈیسک) وسیم اکرم اپنے اشتہارات میں دیئے گئے۔ پیغامات کے برعکس امریکہ کی سڑکوں پر سگریٹ پیتے کیمرے کی قید میں آگئے۔ 49سالہ لیجنڈری باو¿لر اس وقت کرکٹ آل سٹار ٹی ٹونٹی ٹورنامنت میں شرکت کے لیے امریکہ میں موجود ہیں جہاں اس ایونٹ کا دوسرا ٹونٹی ٹونٹی میچ بدھ کو ہیوسٹن میں کھیلا جانا ہے ، اس میچ سے قبل قومی ٹیم کی سابق کپتان کی سگریٹ پیتی کچھ تصاویر سامنے آئی ہیں جس نے ان کے قول و فعل میں تضاد کے حوالے سے سوالات کھڑے کر دیئے ہیں۔ اپنے پلیئنگ کیریئر میں وسیم اکرم نے ایک اشتہا ر میں کام کیا تھا جس میں انہوں نے نوجوانوں کو اپنے نہ تھکنے کی وجہ سگریٹ سے دوری رکھنا بتایا تھا تاہم ایسا محسوس ہوتا ہے کہ وہ اب اپنا یہ پیغام بھول گئے ہیں حالانکہ ایک پوری نسل ان کے اس اشتہار پر جوان ہوئی ہے اور آج بھی وہ اپنے کوچنگ کیریئر میں کھلاڑیوں کو اپنی فٹنس پر سب سے زیادہ کام کر نے پر زور دیتے ہیں۔ رپورٹس کے مطابق سابق کپتان نے 2009ءمیں اپنی پہلی اہلیہ ہما اکرم کے انتقال کے بعد سگریٹ پینا شروع کی جس کی وجہ شاید ان کی جدائی کا غم مٹانا ہوسکتا ہے