لاہور (این این آئی) یوٹیوبر رجب بٹ کی اہلیہ ایمان فاطمہ نے شوہر سے طلاق کے تنازع پر خاموشی توڑتے ہوئے جذباتی بیان جاری کر دیا۔
انسٹا گرام پر ویڈیو پیغام شیئر کرتے ہوئے ایمان فاطمہ نے کہا کہ میں تنازع کو مزید بڑھانے کے بجائے ختم کرنا چاہتی ہوں، دونوں خاندانوں کو مل بیٹھ کر معاملات حل کرنے چاہئیں تاکہ ہمارے بیٹے کیوان کو اپنے والد کی محبت اور ساتھ مل سکے۔
انہوں نے رجب بٹ کو مخاطب کرتے ہوئے کہا کہ وہ دوسروں کی باتوں میں آنے کے بجائے اپنے فیصلے خود کریں، میں کسی کے خلاف ثبوت یا شواہد عوام کے سامنے پیش نہیں کروں گی کیونکہ میں اب بھی دوسروں کی عزت کا خیال رکھتی ہوں۔
