اسلام آباد (نیوز ڈ یسک)سوشل میڈیا پر معروف ٹک ٹاکر علی حیدر آبادی کی ایک ویڈیو تیزی سے وائرل ہو رہی ہے،

جس میں انہیں مبینہ طور پر اپنی اہلیہ زینب علی کو تین طلاقیں دیتے ہوئے دیکھا جا سکتا ہے۔ تاہم اس ویڈیو کی آزاد ذرائع سے تصدیق نہیں ہو سکی۔وائرل کلپ میں دعویٰ کیا جا رہا ہے کہ علی حیدر آبادی نے اپنے بھائیوں کی موجودگی میں اہلیہ کو مخاطب کرتے ہوئے طلاق کا اعلان کیا۔ اس ویڈیو کے منظر عام پر آنے کے فوراً بعد زینب علی کی ایک الگ ویڈیو بھی سوشل میڈیا پر گردش کرنے لگی، جس میں وہ آبدیدہ نظر آئیں۔

علی حیدر آبادی نے اپنی بیوی کو طلاق دی
اس کی وڈیو بنائی اور سوشل میڈیا پر لگا دی
ایسے بدبخت اور لعنتی کردار کو
سوشل میڈیا سے بین کر دینا چاہئے
ایک عورت کی ایسی تذلیل
ان جیسوں کے لئے طلاق کوئی بڑی بات ہی نہیں ۔۔ pic.twitter.com/A3HSHqYPSE

— Sonia Talha Siddiqui (@Soniatalhasiddz) July 1, 2026

اپنے ویڈیو بیان میں زینب علی نے وزیراعلیٰ پنجاب مریم نواز سے مدد کی اپیل کرتے ہوئے کہا کہ انہیں تحفظ فراہم کیا جائے کیونکہ ان کی جان کو خطرہ لاحق ہے۔ ان کا کہنا تھا کہ وہ خود کو غیر محفوظ محسوس کر رہی ہیں اور حکام سے فوری کارروائی کی درخواست کرتی ہیں۔زینب علی نے مزید الزام عائد کیا کہ طلاق کے ساتھ انہیں سنگین نتائج کی دھمکیاں بھی دی گئیں۔

ان کے مطابق علی حیدر آبادی نے مبینہ طور پر اپنی سوشل میڈیا مقبولیت اور بااثر شخصیات سے تعلقات کا حوالہ دیتے ہوئے انہیں نقصان پہنچانے کی دھمکیاں دیں۔تاحال اس معاملے پر علی حیدر آبادی یا متعلقہ حکام کی جانب سے کوئی باضابطہ مؤقف سامنے نہیں آیا، جبکہ وائرل ویڈیوز اور دعوؤں کی آزادانہ تصدیق بھی نہیں ہو سکی ہے۔

ٹک ٹاکر علی حیدرآبادی کی بیوی کی پنجاب حکومت سے مدد کی اپیل pic.twitter.com/znPfBC6g4V

— Zaman 𝕄𝕖𝕙𝕒𝕣 (@Mrinsafian) July 1, 2026