اسلام آباد (نیوز ڈیسک)معروف گلوکار، مزاحیہ اداکار اور ڈیجیٹل کانٹینٹ کری ایٹر علی گل پیر کے گھر فادرز ڈے کے موقع پر خوشیوں نے جنم لیا ہے،
جہاں ان کے ہاں بیٹے کی پیدائش ہوئی ہے۔ انہوں نے اس خوشخبری کو اپنے مداحوں کے ساتھ سوشل میڈیا کے ذریعے شیئر کیا اور والد بننے کی خوشی کا اظہار کیا۔مشہور گانا ’’وڈیرے کا بیٹا‘‘ سے شہرت حاصل کرنے والے علی گل پیر نے انسٹاگرام پر اسپتال سے اہلیہ اور نومولود بیٹے کے ساتھ تصاویر پوسٹ کیں۔ انہوں نے اپنی زندگی کے اس نئے مرحلے کو ایک بڑی نعمت قرار دیتے ہوئے اپنی اہلیہ کا خصوصی شکریہ بھی ادا کیا۔علی گل پیر اپنے منفرد طنزیہ اور مزاحیہ انداز کے باعث سوشل اور سیاسی موضوعات پر خاص پہچان رکھتے ہیں۔ ڈیجیٹل پلیٹ فارمز پر ان کی مقبولیت کافی زیادہ ہے اور لاکھوں مداح ان کے مواد کو پسند کرتے ہیں۔یاد رہے کہ علی گل پیر نے ڈاکٹر عظیمہ ناخدا سے شادی کی تھی اور یہ جوڑا اکثر اپنی نجی زندگی کے خوشگوار لمحات بھی سوشل میڈیا پر شیئر کرتا رہتا ہے۔
اطلاعات کے مطابق دونوں نے عیدالاضحیٰ کے دوران اپنے پہلے بچے کی آمد کی خبر مداحوں کو دی تھی۔اب فادرز ڈے کے موقع پر بیٹے کی پیدائش کی خوشخبری سامنے آنے کے بعد شوبز شخصیات، دوست احباب اور مداحوں کی جانب سے علی گل پیر اور ان کے اہلِ خانہ کو مبارکباد دینے کا سلسلہ جاری ہے۔
