اسلام آباد (نیوز ڈ یسک) پاکستانی شوبز انڈسٹری کی معروف اداکارہ مومنہ اقبال حال ہی میں شادی کے بندھن میں بندھی ہیں،

جس کے بعد ان کی شادی کی تقریبات کی تصاویر اور ویڈیوز سوشل میڈیا پر خاصی توجہ حاصل کر رہی ہیں۔ لاہور میں منعقد ہونے والی دعائے خیر، مہندی، مایوں اور نکاح کی تقریبات کے مناظر مداحوں میں مقبول ہو رہے ہیں۔میڈیا رپورٹس کے مطابق مومنہ اقبال کے شریکِ حیات حمزہ حبیب کا تعلق لاہور سے ہے اور وہ ایک کامیاب کاروباری شخصیت کے طور پر جانے جاتے ہیں۔ اگرچہ وہ ہمیشہ عوامی اور میڈیا سرگرمیوں سے دور رہے، تاہم حالیہ دنوں میں اپنی اہلیہ کی حمایت کے باعث خبروں کا حصہ بن گئے۔اطلاعات کے مطابق حمزہ حبیب اور مومنہ اقبال کی منگنی دونوں خاندانوں کی رضامندی سے طے پائی تھی۔ ذرائع کا کہنا ہے کہ دونوں خاندانوں کے درمیان طویل عرصے سے دوستانہ تعلقات موجود ہیں۔ جوڑے نے مئی 2026 کے آخری ہفتے میں ایک نجی تقریب میں نکاح کیا تھا۔یاد رہے کہ چند روز قبل مومنہ اقبال نے سوشل میڈیا پر انکشاف کیا تھا کہ ایک بااثر سیاسی شخصیت کی جانب سے انہیں اور ان کے اہل خانہ کو مبینہ دھمکیاں موصول ہو رہی ہیں۔

اس معاملے پر متعلقہ ادارے تحقیقات کر رہے ہیں، جبکہ حمزہ حبیب بھی اس موقع پر اپنی اہلیہ کے مؤقف کی حمایت کرتے ہوئے سامنے آئے تھے۔مومنہ اقبال کی شادی کی تقریبات کے بعد مداحوں اور شوبز شخصیات کی جانب سے جوڑے کے لیے نیک خواہشات اور مبارکبادوں کا سلسلہ جاری ہے۔