اسلام آباد (نیوز ڈیسک) پاکستانی شوبز اداکارہ مومنہ اقبال کی دعائے خیر کی تقریب کی تصاویر اور ویڈیوز سوشل میڈیا پر تیزی سے مقبول ہو رہی ہیں،
جبکہ ان کا منفرد اور دلکش انداز مداحوں کی توجہ حاصل کر رہا ہے۔ مومنہ اقبال اپنی ازدواجی زندگی کا آغاز کر چکی ہیں۔ چند روز قبل انہوں نے حمزہ حبیب کے ساتھ ایک سادہ اور نجی تقریب میں نکاح کیا تھا، جس کے بعد اب شادی کی دیگر تقریبات کا آغاز ہو گیا ہے۔
دعائے خیر کی تقریب میں اداکارہ نے ہلکے گلابی اور سنہری رنگوں سے مزین خوبصورت غرارہ زیب تن کیا، جس پر نفیس سنہری کڑھائی اور دبکا ورک کیا گیا تھا۔ ان کا دلہن والا انداز اور لباس تقریب کی خاص کشش بنے رہے۔
View this post on Instagram
دوسری جانب حمزہ حبیب نے ہلکے گلابی شیڈ کے کرتا شلوار کے ساتھ کوٹ پہن رکھا تھا، جو ان کی شخصیت پر خوب جچ رہا تھا۔ تقریب کی تصاویر میں دونوں خوشگوار موڈ میں دکھائی دیے اور اپنی نئی زندگی کے آغاز پر پُرجوش نظر آئے۔
سوشل میڈیا پر شیئر کی جانے والی تصاویر اور ویڈیوز پر مداحوں کی جانب سے مبارکبادوں اور نیک تمناؤں کا سلسلہ جاری ہے، جبکہ صارفین اس جوڑے کے لیے خوشیوں بھری زندگی کی دعائیں بھی کر رہے ہیں۔
رپورٹس کے مطابق مومنہ اقبال اور حمزہ حبیب کی شادی کی مرکزی تقریبات کا باقاعدہ آغاز آج سے ہو رہا ہے، جن کی مزید جھلکیاں بھی جلد سامنے آنے کی توقع ہے۔
