ممبئی(این این آئی)بھارتی کنڑ انڈسٹری کے اداکار و پروڈیوسر دلیپ راج دل کا شدید دورہ پڑنے کے باعث بدھ کی صبح 47برس کی عمر میں چل بسے۔
بھارتی میڈیا کے مطابق اداکار کے اہل خانہ نے بتایا ہے کہ دلیپ راج کو اچانک دل کا شدید دورہ پڑا جس کے بعد انہیں فوری طور پر ہسپتال منتقل کیا گیا تاہم ڈاکٹرز انہیں بچانے میں ناکام رہے۔بھارتی میڈیا کے مطابق دلیپ راج کو 2007 میں ریلیز ہونے والی فلم ملانا میں معروف اداکار پونیت راج کمار کے ساتھ کام کرنے کے بعد شہرت ملی تھی۔انہوں نے یو ٹرن اور بوائے فرینڈ سمیت کئی کامیاب فلموں میں اہم کردار ادا کیے ہیں۔بعد ازاں انہوں نے پروڈکشن کے شعبے میں قدم رکھا اور اپنے بینر ڈی آر کری ایشنز کے تحت متعدد ٹی وی سیریلز بھی تیار کیں۔
