بلاوای(نیوزڈیسک)انضمام الحق نے اپنی افادیت ثابت کردی،افغان ٹیم کا مختصر عرصے کے لئے کوچ مقرر ہونے کے باوجود وہ کردکھایا جس کا افغان عوام کو شدت سے انتظارتھا۔-افغانستان نے ایک روزہ سیریز کے بعد زمبابوے کو ٹی ٹوئنٹی سیریز میں بھی شکست دے دی، افغانستان نے دوسرے ٹی ٹوئنٹی میں زمبابوے کو پانچ وکٹوں سے شکست دیکر سیریز2-0سے جیت لی۔زمبابوے نے پہلے کھیلتے ہوئے مقررہ اوورز میں7 وکٹوں پر 190رنز بنائے۔شان ولیمز نے 54اورمٹنبامی نے43رنز بنائے۔افغانستان کی جانب سے دولت زردان، امیر حمزہ اورگلادین نائب نے 2،2 کھلاڑی آوٹ کئے۔ جواب میں افغانستان نے طوفانی انداز میں اپنی اننگ شروع کی اور پہلی وکٹ کی شراکت میں95رنز بنائے۔بعدمیں وکٹیں وقفے وقفے سے گرتی رہیں لیکن افغان ٹیم نے ہدف پانچ وکٹوں پر ایک بال پہلے ہی حاصل کر لیا۔عثمان غنی نے 65اور گلادین نائب نے ناٹ آوٹ 56رنز بنائے۔گلا دین نائب کو مین آف دی میچ قرار دیا گیا۔