لاہور( این این آئی)ٹک ٹاکر کاشف ضمیر کے خلاف سی ٹی ڈی کراچی کے اہلکارکے ساتھ لاکھوں روپے فراڈ کا مقدمہ درج کر لیا گیا ۔
تفصیلات کے مطابق ٹک ٹاکر کاشف ضمیر کے خلاف فراڈ کا مقدمہ کراچی پولیس کے کانسٹیبل کی مدعیت میں تھانہ گلبرگ لاہور میں درج کیا گیا ۔مدعی مقدمہ کراچی پولیس کے کانسٹیبل دوست محمد کے مطابق ملزم کاشف ضمیر سے دو سال قبل دوستی ہوئی،ملزم سے دو سال سے ملنا جلنا تھا،ملزم نے اٹلی ویزوں کا بتایا۔ دوست محمد کی جانب سے درج کروائی گئی ایف آئی آر میں کہا گیا ہے کہ ایک سال قبل ملزم کواٹلی کے ویزہ کیلئے19لاکھ سے زائدرقم دی،ملزم نے اٹلی کا ویز ہ دیا نہ ہی رقم واپس کررہا ہے۔گلبرگ پولیس نے ملزم کے خلاف فراڈ کی دفعات کے تحت مقدمہ درج کر لیا ۔
