اسلام آباد(نیوز ڈ یسک) معروف اداکارہ اور میزبان فضا علی ایک بار پھر سوشل میڈیا پر زیرِ بحث آ گئی ہیں،
جہاں انہوں نے اپنے شوہر کے ہمراہ نئی ویڈیو شیئر کی ہے۔اطلاعات کے مطابق وہ ان دنوں برطانیہ میں مقیم ہیں اور وہاں سے اپنے شریکِ حیات کے ساتھ مختلف ویڈیوز سوشل میڈیا پر پوسٹ کر رہی ہیں۔ حالیہ ویڈیو میں ان کے شوہر کو ایک پارک میں منفرد انداز میں کرتب اور قلابازیاں کرتے ہوئے دیکھا جا سکتا ہے، جو صارفین کی توجہ کا مرکز بن گئی۔ویڈیو کے ساتھ فضا علی نے کیپشن میں اپنے شوہر کی کوششوں کو اپنی محبت سے جوڑتے ہوئے جذباتی انداز اختیار کیا۔ اس سے قبل بھی ایک لائیو پروگرام میں شوہر کی جانب سے انہیں اٹھانے کی ویڈیو وائرل ہوئی تھی، جس پر انہیں تنقید کا سامنا کرنا پڑا تھا۔تازہ ویڈیو پر سوشل میڈیا صارفین کی آراء منقسم دکھائی دے رہی ہیں۔ کچھ افراد اسے میاں بیوی کے درمیان محبت کا اظہار قرار دے رہے ہیں، جبکہ دیگر اسے غیر سنجیدہ حرکت سمجھتے ہوئے تنقید کر رہے ہیں۔
